اناناس - ماجدة سلفادور 250 غرام

عن "ماجدة".. الكوب اللي يذكرك بقعدة الجدة
في محمصة أناناس، لما كوّبنا هالمحصول أول مرة، كل واحد حوالين الطاولة قال نفس الكلمة: كراملة. نكهة دافئة، حلاوة متزنة، وقفلة بندق محمص تحس فيها دفء وراحة زي قعدة عند الجدة يوم الجمعة. ما احتجنا نفكر كثير بالاسم، لأن الكوب نفسه كان يحمل وقار واحترام، فسميناه "ماجدة"، اسم يحمل معنى الكرامة والوقار، بالضبط زي اللي حسينا فيه من أول رشفة.
وش سالفة "ماجدة"؟
المحصول من مزارع لا ماجادا بمنطقة أبيانكا في محافظة أهواتشابان بالسلفادور، على ارتفاع بين 1300 و1400 متر، ومن أكثر من سلالة: بوربون الأحمر، كاتيمور، وباكاس. يُحصد المحصول بين نوفمبر وأبريل، ومعالجته مغسولة بطريقة تقليدية دقيقة: الحبوب تنقل يوميًا من الحزام الذهبي للقهوة، يقشّرونها، يغسلونها بمياه عذبة من عيون الجبال المجاورة، ثم تجفف تحت الشمس على أسرّة تقليدية بالباحات، وأخيرًا تخزن بصوامع خشبية جاهزة للتصدير. صبر ودقة بكل خطوة، والنتيجة كوب بنكهات كراملة وحلاوة متزنة وحموضة ناعمة وبندق محمص، بقوام ممتلئ يفضل بفمك.
ليش سميناها بهالاسم؟
لأن أجدادنا علمونا إن القهوة الأصيلة تحتاج صبر: صبر بالتحضير، وصبر بالدلة على النار، وصبر باستقبال الضيف. ولما شفنا كل هالعناية والصبر اللي تمر فيه حبة "ماجدة" من القطف للتصدير، حسينا فيها نفس الوقار اللي نكبره في نساء بيوتنا اللي يتقنّ صنعة القهوة بحب.